Қазақ халқының дәстүрлі материалдық мәдениеті. Оқу құралы

Оқу құралында қазақ халқының материалдық мәдениетіне жататын
дәстүрлі баспанасы, киім-кешегі және тағамына байланысты мәселелер
қарастырылады. Баспана түрлерінің қалыптасу кезеңдері, салыну тәсілдері
мен техникасы, құрылыс материалдары және киім түрлері, оның
жастық, жыныстық айырмашылықтары, жасалу технологиясы сияқты
мәселелер жан-жақты зерделенеді. Сонымен қатар қазақ халқының
тағамдану
жүйесі шаруашылық жүйемен байланыстырыла отырып,
ұлттық тағамдардың түрлері, оның ішінде ет, сүт тағамдарының маңыздылығы
және дәнді-дақыл өнімдері мөлшерінің біртіндеп артуы сара-
ланады. Кітапта тамақтану жүйесіндегі ас қабылдау мәдениеті, этикет,
тағамның адам өміріндегі орны туралы айтылады.
Оқу құралы студенттерге, магистранттарға, этнология пәнінен дәріс
беретін оқытушыларға, зерттеушілерге арналған.